БЕРКАСОВО – Вчера, на швето Собору Святого архангела Михаила, церква и вирни у Беркасове преславели храмове швето – Кирбай, а Службу Божу служели седемцме священїки з нашого Апостолского еґзархату за грекокатолїкох и з Крижевского владичества.
Службу предводзел миклошевски парох о. Йоаким Симунович, а наказовал о. Владимир Седлак, парох у Петровцох, котри у казанї наглашел значносц ангелох у християнским живоце, а насампредз архангела Михаила.
– Єст безтїлесни сили хтори у служби Бога и вони ше волаю ангели, котри приноша даяке порученє и ми ше прейґ молитвох ангелом приблїжуєме ґу Богу – гварел медзи иншим о. Седлак.
Домашнї парох о. Владимри Еделински Миколка подзековал шицким паноцом же возвелїчали швето, як и вирним и повинчовал им Кирбай.
После Служби Божей бул традицийни обход коло церкви з читаньом Євангелийох, а на концу одшпиване „Многолїствиє“.