БЕОҐРАД – У орґанизациї ОЕБС 16. и 17. децембра у Беоґрадзе отримани Семинар о виучованю сербского язика як нємацеринского у основних и штреднїх школох у Сербиї.
Конкретна тема була Анализа стану у настави сербского язика як нємацеринского, як часц пририхтованя розвою общих стандардох посцигнуцох за сербски язик як нємацерински.
Семинар реализовали фаховци зоз Заводу за вреднованє квлитету образованя и воспитаня, а у рамикох проєкту хтори финансує Европска уния.
На семинаре з Основней и штреднєй школи „Петро Кузмяк” з Руского Керестура участвовали професорки сербского язика як нємацеринского Мария Балїн у основней, и Мария Будински у штреднєй школи.
Спред Националного совиту Руснацох, на семинаре участвовал и членїца Совиту, источашнє и о.д. директора керестурскей Школи Хелена Пашо Павлович.