НОВИ САД – На схадзки Скупштини Городу Нови Сад, пияток, 25. септембра, одборнїки ришовали вецей кадрово питаня, та медзи иншим меновали Деяна Мандича (дотерашнього члена Городскей ради за финансиї) за нового директора Заводу за вибудов городу, а на його месце у Городскей ради будзе Александра Радак. Функцию директора СПЕНС-у превежнє Александар Шукич, одлучене на схадзки.
Место бувшого директора Културного сентру Нови Сад Андрея Файґеля, до Одбору за реализацию инициятиви же би ше Нови Сад кандидовало за Европску престолнїцу култури 2021. року, одборнїки меновали предсидателя Управного одбору Еґзит фондациї Неманю Миленковича.
На схадзки прилапена одлука з хтору ше дошлєбодзує же би ше у часци Ротквариї направело комплекс будинкох з квартелями, хтори будзе мац дзевец поверхи. Одборнїки дали и согласносц же би преход у Змай Йововей улїци достал мено по Миланови Младеновичови, а преход поза Синаґоґу по историчарови Павлови Шосберґерови.