КОЦУР – У рамикох тогорочних „Поетских нїткох Меланиї Павлович”, вчера у Коцуре отримане литературне стретнуце у орґанизациї Дружтва за руски язик, литературу и културу (Дружтво), єй секциї у Коцуре и коцурскей ОШ „Братство єдинство”. На програма участвовали школяре од першей по штварту класу котри поряднє виучую руски язик, як и школяре котрим руски виборни предмет.
Школяре рецитовали, шпивали и приказали кратки драмски слички на тексти Павловичовей, а програму пририхтали зоз своїма учительками. О роботи и творох школяром бешедовали предсидатель Дружтва проф. др. Юлиян Рамач и заступнїца Дружтва Ирина Папуґа.
На концу програми припознаня Дружтва достали 23-ойо найактивнєйши читателє руских дїлох у школскей библиотеки з другей, трецей и штвартей класи, як и єдна школярка зоз шестей класи.
Дружтво з тей нагоди школскей библиотеки подаровало вецей нови кнїжки, а школяре першей класи на дарунок достали кнїжку „Ровнї цар” Владимира Сабо-Дайка.
