НОВИ САД – Город Нови Сад обявел Явну поволанку за самообезпечованє роботи, односно порушованє власного бизнису. У зависносци од файти дїялносци, трошкох и потребних укладаньох, будуци поднїматель годзен достац од 150 000 до 400 000 динари.
Конкуровац може особа котра найменєй мешац на евиденциї Националней служби за обезпечованє роботи (НСЗ), закончела обуку з поднїмательства у орґанизациї НСЗ, ма виробени бизнис-план и вимирела шицки длуства спрам Городу Нови Сад и НСЗ. Кед єден бизнис порушую вецей особи, кажда окреме муши придац вимогу и може достац од 150 000 до 400 000 динари.
Нєзанята особа котра достанє субвенциї за самообезпечованє роботи приявену дїялносц муши окончовац найменєй 12 мешаци.
Явна поволанка отворена по 16. май, а шицки иноформациї мож достац у Городскей управи за привреду, на адреси Руменацка 110а, на числох телефона 452-414 и 6614-085, лєбо на сайту www.novisad.rs.