КОЦУР – Як почал лєтнї школски розпуст, школяре муша здумац и як крашнє и хасновито препровадзиц тот шлєбодни час, та пейцме товарише з Коцура, попри рижних бавискох, здумали и як заробиц на сладолед. За валалом назберали сухи пальки и уж даскельо днї их предаваю опрез хижи за 10 динари фалат, за охрану од суньоґох. Кому нє интерсантни пальки, хлапци понукаю и швижи турґунї.
Тоти схопни хлапци твердза же то прави способ як ше одбранїц од суньоґох, а купцом и толкую як запалїц пальку – после дзень два станя на слунку, верщок пальки ше одламе и запалї, та як тлєє – плаши суньоґи.