ШИД – Крачун торжествено означени у наших церквох у Шидзе, Беркасове и Бикичу зоз богослуженями на хторих було присутне значне число вирних.
У Шидзе Всеночне парох о. Михайло Режак служел на 20 годзин у присустве значного числа вирнїкох, а слова новонародзеному Исусови парох Режак пренєсол и вирним хтори того вечара нє були у церкви.
На перши дзень швета тиж була Служба Божа, на хторей пречитана крачунска винчованка преосвященого владики кир Георгия Джуджара, а потим було и мированє.
И у наших церквох у Беркасове и Бикичу, по словох пароха о. Владимира Еделинския Миколки, тиж було торжествено.
У Беркасове Всеночне служене на 19 годзин, а у Бикичу на 21 годзин, и у бикичскей церкви младша виронаучна ґрупа школярох шпивала коляди.
Тиж у церквох спрам епидемиолоґийноих околносцох було замерковане число вирних,а на други дзень швета будзе и мированє.