БЕРКАСОВО, БИКИЧ – Парох о. Владимир Еделински Миколка на Вельки пияток служел Саночне з покладаньом плащанїци до Христового гроба, перше у церкви у Беракасове, а потим и у Бикичу.
На перши дзень швета, внєдзелю на осем годзин перше о. Еделински у Бикичу служел Службу Божу и потим пошвецени кошарки з пасхами, а потим Службу Божу служел и кошарки пошвецел и у Беркасове.
На други дзень швета Служба Божа у Бикичу на 9 годзин, а у Беркасове на 10 и 30 годзин, и по традициї було и мированє, а тиж и молитва за покойних, пополадню на теметове у Беркасове на 14, и у Бикичу на 15 годзин.