МЛАДЕНОВО – Осме коло Подручней фодбалскей лиґи, Русин одбавел внєдзелю 3. октобра, у госцох, на хторим однєсол побиду процив екипи Будучносци зоз Младенова з резултатом 0:1 (0:1).
Змаганє, за розлику од прешлих, почало так же Русин почал водзиц уж у 2. минути, кед после прецизного центершута Сушича, млади Александар Кочиш ше нашол на правим месце у 16 метерох и лєгко послал лабду до ґолу.
У другим полчасу домашня екипа почала бавиц вельо оштрейше, алє шє Русинова охрана барз орґанизовано тримала и нє допущовала процивнїцкей екипи нїяки преход.
Шицко випатрало як же побиду однєшу Русиновци, покля у 80. минути судия нє запискал пенал за домашнїх. Медзитим, одлични Кронич бранї пенал и лабда ше одбива процивнїкови до ноги, хтори зоз истей позициї копа ознова, алє Кронич бранї и тоту шансу.
После тей побиди Русин ше находзи на 5. месце на таблїчки, а на нєдзелю, 10. октобра до Керестура приходзи першопласована екипа Братство 2019 зоз Приґревици хтора потераз зазначовала лєм сами побиди.