НОВИ САД – Вчера вечар, 7. октобра, у Културним центре Нового Саду отримани Округли стол з тему „Мултикултурализем у Войводини нєшка”.
На подїї участвовали Дарко Баштованович з Националного совиту Горватох, Мирослав Кевежди зоз Заводу за културу Войводини, Алпар Лошонц з Универзитету у Новим Садзе, Михал Сладечек з Институту за филозофию и дружтвену теорию у Беоґрадзе, Зоран Таирович, совитнїк подпредсидателя Влади Републики Сербиї и Борис Варґа, одвичательни редактор новинох „Руске слово”.
У фокусу Округлого столу було питанє мултикултурализму у Войводини и живот националних заєднїцох, а бешедоване о мадярскей, словацкей, ромскей и рускей националней заєднїци, оцени їх дружтвеного живота у Сербиї и їх вязох з матичнима державами.
Орґанизатор того сходу бул нєдавно отворени Реґионални наукови центер у Новим Садзе, а интересованє було вельке, окреме публики младшей ґенерациї.
