РУСКИ КЕРЕСТУР – Упис до першей класи Основней школи „Петро Кузмяк” у Руским Керестуре будзе 12. и 13. мая, а до школи ше маю уписац дзеци народзени од марца 2008. по марец 2009. року.
У керестурским оддзелєню „Цицибан” ПУ „Бамби” у Предшколскей пририхтуюцей програми єст 39-еро дзеци, цо вельо вецей як було прешлого року, кед було дзеци лєм за єдно оддзелєнє першей класи ОШ.
При упису дзецка до першей класи родичи маю придац кресцене писмо, уверенє о лїкарским препатрунку, познєйше и потвердзенє о законченей Предшколскей пририхтуюцей програми.
Тих дньох зоз Школи до дзецинскей заградки предшколскей установи однєшу и формулари-прияви за безплатни учебнїки, хтори родичи маю виполнїц и принєсц до школи при упису дзецка.
Педаґоґийна служба Школи ше пририхтує и за тестованє будуцих першокласнїкох, хторе наступни днї будзе окончене у дзецинскей заградки.