У Бачинцох будзе Литературне стретнуце

автор я. дюранїн
570 Опатрене

БАЧИНЦИ – На пияток, 27. септембра, Секция Дружтва за руски язик, литературу и културу у Бачинцох, орґанизує Литературне стретнуце, котре будзе и нагода за означованє дзепоєдних рочнїцох.

У програми буду участвовац дзеци хтори ходза на виронауку и хтори виучую руски язик у школи у Бачинцох.

На прикладни способ буду означени 90 роки од народзеня Драґена Колєсара, ґлумца, режисера и театрaлного творителя, 110 роки од народзеня Михайла Ковача, учителя, писателя и култуpнoгo творителя и 170 роки од народзеня Янка Скубана, дописователя „Недилї” зоз Бачинцох.

Литературне стретнуце, хторе ше находзи у Календаре рочнїцох за 2019. рок, будзе отримане у просторийох Парохиялного дому нашей церкви у Бачинцох (Сримска 12) на 12 годзин.

Потримовку отримованю Литературного стретнуца у Бачинцох дал Покраїнски секретарият за образованє, предписаня, управу у национални меншини-национални зaєднїци.

ПОВЯЗАНИ ТЕКСТИ