ВЕРБАС – Општина Вербас конституовала вчера, 7. марца, Комисию за популацийну политику. Як предсидателька тото Цело будзе водзиц заменїца предсидателя Општини Вербас Тияна Алексич, а саме Цело творя представнїки локалней самоуправи, представнїки здравствених, социялних и образовних установох и орґанизацийох цивилного дружтва.
На конститутивней схадзки того дня утвердзени програмски активносци плановани за 2022. рок. Главни задаток тей Комисиї, як визначене, то розвиванє пориваюцого окруженя за одрастанє и розвой дзецох.
Як могло чуц на схадзки Цела, у фокусу у наиходзацим периоду будзе и очуванє и унапредзенє репродуктивного здравя пре звекшанє стопи наталитету на локалним уровню. Комисия будзе предкладац дальши мири, провадзиц новини у законодавстве котре ушорює тоту обласц и робиц на ускладзованю локалних предписаньох, пренєсол општински сайт.