У дзевятим тогорочним „Руским слове”

автор бхц
773 Опатрене

НОВИ САД – У новим чишлє „Руского слова”, хторе од того числа будзе виходзиц на 36 бокох, на „Тижньовнїку” обсяжни текст о тим як функционує наш Национални совит, а ту и тема о европских препорученьох за нови културни политики.

Боки „Нашо места” приноша информациї о нєзаинтересованосци школярох у школох жабельскей општини,  звит з Рочней скупштини КУД „Яким Ґовля” з Миклошевцох, як и обсяжнєйши звит о пременкох Статута МЗ Руски Керестур, дзе и о условийох за  конкурованє за место секретара МЗ.

О субвенцийох, мирох и укладаньох до аґрару и Скупштини д.о.о. „Руски двор” новини пишу на бокох „Економиї”, а хто вибрани до нового Управного одбору РКЦ у Новим Садзе и як прешол Фестивал новей рускей народней шпиванки „Ружова заградка” – на бокох „Култури и просвити”.

Боки „Людзе, роки, живот” зазначую як ше сходза коцурски жени на пратки, а представяю и инжинєра Еуґена Лендєра з Беоґраду и 94-рочну малу Исусову шестру Кристину.

Боки „Духовни живот” читачох информую о означованю Шветового молитвового дня и о планох означованя преслави 250 рокох коцурскей церкви.

О вецей спортских збуваньох „Руске” пише на „Спорту”, а як додаток у тим чишлє „Дом и фамелия”, пошевецена патолоґийному коцканю, як вше векшому проблем у дружтве.

 

ПОВЯЗАНИ ТЕКСТИ