НОВИ САД – У рамикох проєкта „Учме вєдно руски язик: Читай ми”, у просторийох Заводу за културу войводянских Руснацох, внєдзелю, 3. фебруара, отримана промоция другей видео приповедки – „Ґаравка” Шарла Пероа, хтору преприповедала Саня Дивлякович.
После премиєрного емитованя видео приповедки орґанизована и тематска роботня з мотивами одпатреней приповедки и друженє за дзеци.
Видео приповедка будзе положена на ютюб канал Заводу за културу войводянских Руснацох же би була доступна ширшей явносци и уступена шицким цо робя зоз дзецми по руски.
Авторки того проєкту Александра Живкович и Санї Дивлякович, ношитель проєкта Новинарска асоцияция Руснацох, а финансийну потримовку дал Завод за културу войводянских Руснацох.