НОВИ САД – Завод за културу войводянских Руснацох нєшка орґанизує явну трибину з тему „Защита руского културного скарбу – резултати и перспективи”.
На трибини буду бешедовац проф. др Янко Рамач, порядни професор на Филозофским факултету у Новим Садзе, Любица Отич, кустос-музейни совитнїк у Музею Войводини, др Йоаким Стрибер, наукови сотруднїк у Централним институту за конзервацию у Беоґрадзе, др Миряна Джекич, етнолоґ-конзерватор у Покраїнским заводзе за защиту памятнїкох култури, Саша Сабадош, архивиста у Историйним архиву Зомбор и Желько Ковач, предсидатель Вивершного одбору Националного совиту Руснацох.
Трибина у просторийох Заводу за културу войводянских Руснацох (Футожска 2/III) будзе отримана на 13 годзин, а поволани на ню шицки заинтересовани, котри и активно годни участвовац у розправи.