ВЕРБАС – У просторийох КПД „Карпати” нєшка, 19. новембра, будзе трибина з тему „Безпечносц младих вожачох у транспорту”. Трибина почнє на 19 годзин, а орґанизатор КПД „Карпати”, у сотруднїцтве зоз Совитом за безпечносц транспорту Општини Вербас и Полицийну станїцу (ПС) Вербас.
Трибина будзе орґанизована з нагоди Шветового дня здогадованя на жертви транспортних нєщесцох.
На трибини буду бешедовац предсидатель Совиту за безшечносц транспорту Општини Вербас и член Општинскей ради Ґоран Пейович, Заменїк командира за транспорт ПС Вербас Страхиня Дюрачич и професор Штреднєй фаховей школи „4. Юлий” з Вербасу Драґан Копривица.