РУСКИ КЕРЕСТУР – У парохиї св. o. Миколая, по григориянским календаре, нєшка швето Вознесениє Господнє, хторе вязане за швето Пасхи.
Вознесениє ше преславює 40 днї по Велькей ноци, понеже ше по євангелским запису, Исус Христох вознєсол на нєбо, 40 днї потим як воскреснул.
Богослуженя буду у катедралней церкви, на 7,15 утриня и Служби Божо на 8 и на 19 годзин, док велька Служба на 10 годзин будзе у Марийовим святилїщу Водици, a вона директно будзе преношена и на Фейсбук боку Катедрала Св Николая.