РУСКИ КЕРЕСТУР – У орґанизациї Рускей матки (РМ) нєшка, 16. децембра, у сали Месней заєднїци (у Спортскей гали) у Руским Керестуре за шицких заинтересованих будзе приказани документарни филм „Траґедия Галицкей Руси” Алексея Денисова о страданю Русинох у Першей шветовей войни, хтори приказани на тогорочним першим „Русин Филм Фесту” у Шидзе. Проєкция филму будзе на 19 годзин.
Пред тим, у канцелариї РМ у Руским Керестуре на 17,30 г. будзе заєднїцка схадзка Управного одбору Матки и Редакцийного одбору єй глашнїку „Руснак”, на хторей буду розпатрани звити о активносцох одборох РМ у новембру, а предвидзена и догварка о наступних заєднїцких активносцох.