РУСКИ КЕРЕСТУР – На инициятиву младших шахистох – Михайла Венчельовския и Якима Гардия, у Руским Керестуре вчера почал турнир у шаху, хтори тирва по вовторок, 9. фебруара.
На турнир приявени 16 змагателє рижних ґенерацийох, медзи нїма и седемцме млади, а наймладши Давид Надь, школяр шестей класи ОШ, док найстарши змагатель професор у пензиї Иван Пап.
По 9. фебруар (крем през викенд) буду одбавени 9 кола по швайцарскей системи, змаганя тирваю 30 минути, а кажди дзень починаю на 17,30 годзин у Спортским дружтве „Русин” (у Старей школи), хтори шахистом уступел просториї за змаганя.
На концу вироятно буду додзелєни и одредзени награди, а як за Рутенпрес гварел Венчельовски, циль турниру же би ше ожило роботу „Русинового” Шах-клубу, хтора уж даскельо роки замарла.
