КОЦУР – Внєдзелю, 28. авґуста, на швето Успения Пресвятей Богородици у Коцуре, преславени Кирбай. З нагоди того швета, вельку Службу Божу у грекокатолїцкей церкви служели дзевецме паноцове на чолє зоз владиком Георгийом Джуджаром.
Владика у казанї паноцом, парохияном и численим госцом повинчовал швето, а по законченю служби бул обход коло церкви.
Кирбайски вашар, без огляду на горучаву, бул вельки и нащивени, як и забавни парк хтори бул змесцени у школским дворе. Млади мали нагоду виберац место за розвагу по своїм смаку, з оглядом же векшина валалских кафичох з нагоди швета звекшала свойо капацитети и понукала живу музику.
Окрем Грекокатолїцкей, Кирбай истого дня преславела и Православна церква у Коцуре.