КУЛА – Од початку вакцинованя процив Ковиду-19, у кулскей општини єдну спомедзи штири понукнути вакцини потераз прияли вкупно 3.891 особа, з котрих уж 2.366 ревакциновани. За три днї число вакцинованих звекшане за 450, а ревакцинованих за 350.
Най здогаднєме, гражданє Сербиї ше можу приявиц за вакцинованє на сайту еУправи imunizacija.euprava.gov.rs дзе потребне пополнїц формулар, як и на безплатне число телефона 0800 222 334.
През викенд за нами було оможлївене вакцинованє и без прияви, алє лєм за особи старши од 65 роки.
Вакцинованє у општини Кула ше окончує у Месней заєднїци Долнї город.