КУЛА – Општинска виберанкова комисия Кула преглашела ище три виберанково лїстини за локални виберанки 24. априла, так же до вчера було 12 виберанково лїстини политичних странкох, коалицийох и ґрупох гражданох.
Як дзешата преглашена лїстина Ґрупи гражданох „Поднїматель”, на хторей 15 кандидати за одборнїкох у Скупштини општини Кула. Як єденаста преглашена лїстина „Герцен Радонїч Кека-Русийска странка”, на хторей 13 кандидати, а як 12. преглашена лїстина „Сербска народна партия-З народу за народ”, з 25 кандидатами за одборнїкох.
На двох нових лїстинох кандидати и Керестурци – на лїстини Ґрупи гражданох „Поднїматель” на 11. месце Микола Сопка (1964), а на лїстини Сербскей народней партиї на 7. месце Миле Зелич (1976).
Општинска виберанкова комисия на ютре, 13. априла, утвердзи конєчну виберанкову лїстину за локални виберанки.