КУЛА – Општинска виберанкова комисия вчера, 25. марца, преглашела ище єдну, пияту виберанкову лїстину за виберанки за Скупштину општини (СО) Кула, з назву ЛСВ (Лиґа социлядемократох Войводини)-Ненад Чанак-Желєна еколоґийна партия-Желєни-Деян Булатович”, на хторей 14 кандидати за одборнїкох, а перша на лїстини Олена Папуґа з Руского Керестура.
Пред тим, як перша преглашена лїстина Сербскей напредней странки „Александар Вучич-Сербия победзує”, на хторей 37 кандидати за одборнїкох, друга лїстина Союзу войводянских Мадярох, на хторей 13 кандидати; треца преглашена лїстина „Єдинствена Сербия-Драґан Маркович Палма”, на хторей 37 кандидати, а як штварта преглашена лїстина „Др Велибор Васович-Социялистична партия Сербиї”, на хторей 30 кандидати за одборнїкох.
Локални виберанки буду 24. априла, кеди и виберанки за републични и покраїнски парламенти, а до СО Кула ше вибера 37 одборнїкох.