КУЛА – Општинска виберанкова комисия внєдзелю, 27. марца, преглашела ище єдну, шесту виберанкову лїстину за виберанки за Скупштину општини (СО) Кула, з назву „Сиґурно лєпше-Демократска странка, др Йован Янич”, на хторей 37 кандидати за одборнїкох, а придала ю колация коло Демократскей странки-Вєдно за Сербиї.
Пред тим, як перша преглашена лїстина Сербскей напредней странки „Александар Вучич-Сербия победзує”, на хторей 37 кандидати за одборнїкох, друга преглашена лїстина Союзу войводянских Мадярох, на хторей 13 кандидати, а як треца преглашена лїстина „Єдинствена Сербия-Драґан Маркович Палма”, на хторей 37 кандидати.
Як штварта преглашена лїстина „Др Велибор Васович-Социялистична партия Сербиї”, на хторей 30 кандидати за одборнїкох, а як пията лїстина „ЛСВ (Лиґа социлядемократох Войводини)-Ненад Чанак-Желєна еколоґийна партия-Желєни-Деян Булатович”, на хторей 14 кандидати за одборнїкох.
Локални виберанки буду 24. априла, кеди и виберанки за републични и покраїнски парламенти, а до СО Кула ше вибера 37 одборнїкох.