КУЛА/РУСКИ КЕРЕСТУР – У вчера прилапеним ребалансу буджету Општини Кула 13 милиони 170 000 динари наменєни керестурскому ЯКП „Руском” за набавку хлороґену за жридло на водоводу, а на инициятиву спомнутого ЯКП.
Як на питанє одборнїка Желька Ковача на схадзки Скупштини општини одвитовал заменїк предсидателя Општини Кула Велибор Милоїчич, прейґ кулского ЯП „Завод за вибудов” буду окончени вецей инвестицийно-комунални укладаня у Керестуре зоз самодоприносу и пенєжу з Општини, а хтори предложел Совит Месней заєднїци Руски Керестур.
Тиж так, у буджету плановани и средства за дотациї зоз самодоприносу дружтвеним орґанизацийом у Керестуре, за цо, як за Рутенпрес гварел Милоїчич, о коло два тижнї буду розписани окремни конкурси.