НОВИ САД – Вистава малюнкох младей уметнїци Лари Петкович будзе отворена на стреду, 19. юния, у новосадским Руским културним центру.
Першу самостойну виставу мала у Дюрдьове у КУД-у “Тарас Швеченко” 2017. року, другу у Новим Садзе у “Театру 34” 2018. року, потим єй малюнки були виложени у рамикох Фестивалу рускей култури “Червена ружа” у Руским Керестуре 2018. року, як и под час отвераня Младежского културного центру у Новим Садзе 2018. року.
Хвильково єй найвекшу инспирацию виволую пейзажи, найвецей древа и контраст слунковей шветлосци и цинї.
У музичней часци програми наступи Саша Загорянски. Отверанє вистави будзе на 19,30 годзин, а у РКЦ-у будзе поставена тидзень.