Хижи на валалє достали 39 млади фамелиї, пошвидко нови конкурс

автор сен
889 Опатрене

НОВИ САД – На конкурс за доставанє безповратних средствох за купованє хижох на валалє приявели ше 344 малженски пари, а средства достали 39 пари. За купованє хижи достаню найвецей милион динари.

На конкурс найвецей конкуровали млади пари зоз Зомбора и Суботици. З тих котри сполнєли условия трецина ше преселї з городу, док остаток уж жиє на валалє, алє дотераз нє мали власни хижи.

З нагоди обявйованя резултатох, покраїнски секретар за роботу, обезпечованє роботи и ровноправносц полох Мирослав Васин гварел же проблем напущених хижох у Войводини треба претвориц до предносци и додал же число приявених указує же єст заинтересованих за живот на валалє, кед ше им обезпечи условия.

Средства за тот конкурс виношели 40 милиони динари, а з Покраїнскей влади наявене же  до конца мешаца будзе розписани и нови конкурс за исту намену.

 

ПОВЯЗАНИ ТЕКСТИ