ДЮРДЬОВ – На першим змаганю тогорочних 25. Спортских бавискох „Яша Баков” – у кошарки три на три, хторе вчера отримане у Дюрдьове, участвовали седем екипи зоз шейсцох наших местох.
На турнире перше место освоєла екипа КПД „Дюрда Киш” зоз Шиду, а друге и треце место екипи домашнього КУД „Тарас Шевченко”.
Штварте место завжала екипа керестурского „Русину”, пияте вербаского „Папивинґу”, шесте екипа з Петровцох, з Горватскей, а седме место екипа новосадского РКЦ.
Змаганє отримане у спортскей гали Основней школи „Йован Йованович Змай”, домашнє було КУД „Тарас Шевченко”, у чиїх просторийох после змаганя, на полудзенку, шицких змагательох у мено домашнїх привитал член Управного одбору СБ „Яша Баков” Звонко Салаґ, а припознаня и медалї учашнїком и побиднїком уручели предсидатель и подпредсидательСБ Иван Папуґа и Янко Хома.