ДЮРДЬОВ – У дюрдьовскей ОШ „Йован Йованович Змай” пондзелок, 18. априла, остатня ґрупа осмакох поробела тест з професийней ориєнтациї, цо им допоможе у виборе напряму за дальше школованє. Програму професийней ориєнтациї запровадзує школски психолоґ Соня Шанта.
Тест професийней ориєнтациї у дюрдьовскей Школи ше поряднє запровадзує од 2011. року, а концом прешлого тижня и 67-еро школяре осмей класи ришовали пробни Закончуюци испит.
Штверо школяре осмей класи на Закончуюцим испиту буду покладац руски, як мацерински язик.