РУСКИ КЕРЕСТУР – Писатель и публициста Юлиян Пап вовторок, 14. септембра, Здруженю ремеселнїкох и приватних поднїмательох Руского Керестура подаровал двацец прикладнїки своїх двох кнїжкох.
Пап самоинициятивно Здруженю подаровал прикладнїки кнїжкох „Бачи Дюра з Керестура” и „Стретнуца з прешлосци”, а дарунок у мено Здруженя приял и на нїм подзековал його предсидатель Владимир Емейди. То нє перши раз же Пап дарує свойо твори, бо авторски кнїжки уж вецейраз подаровал орґанизацийом Руснацох у нашей жеми и у Горватскей.
Юлиян Пап з Нового Саду, родом Керестурец и кажди рок лєтнї мешаци препровадзує у Керестуре, до тераз обявел штири кнїжки, у виданю Дружтва за руски язик, литературу и културу. Того року означує и 50-рочнїцу писаня, односно своєй публицистичней роботи.