НОВИ САД – На ютре, 9. децембра, у просторийох Заводу за културу войводянских Руснацох у Новим Садзе будзе комеморативни сход пошвецени нєдавно упокоєному Миронови Жирошови, а о його дїялносци и творчим доприношеню нашей култури и лєпшому упознаваню нашей историйней прешлосци буду бешедовац проф. др Янко Рамач, публицисти Дюра Латяк, редактор часопису „Шветлосц” Микола М. Цап и редактор Видавательней дїялносци „Руского слова” Микола Шанта.
Комеморативни сход, з хторим источашнє будзе означена и 80-рочнїца народзеня Мирона Жироша, будзе отримани на инициятиву Вивершного одбору Националного совиту (НС) Руснацох, а за тоту нагоду оформени и окремни Орґанизацийни одбор у хторим, попри спомнутих, и заменїк предсидателя НС Руснацох Йовґен Мудри и Маринко Дудаш.
Ютрейши сход у Заводзе будзе на 12 годзин, а отворени є за шицких заинтересованих.