НОВИ САД – На ютре, 7. юлия, на Петроварадинскей твердинї у Новим Садзе почина музични фестивал „Еґзит”, хтори преглашени за найлєпши вельки фестивал у Европи.
„Еґзит” будзе тирвац штири днї, по 11. юлий и на нїм годно нащивиц вецей як 10 розлични бини, а найпознатши мена зоз швета музики котри буду наступац на тогорочним „Еґзиту” то Продиджи, Дейвид Ґета, Ели Ґолдинґ, Димитри Веґас и Лайк Майк, Ники Ромеро, Джордж Клинтон, Бастил и ище вецей як сто други виводзаче.
Попри музичних, нащивителє годни уживац и у велїх змистох за розвагу, як цо то активносци у Планетариюме на твердинї, спущовац ше на сайли з поглядом на цали фестивал, на познатим „Сайлент диску”, у стилизованю фризурох и шминки, у танєчнїцох з Ибици, акробацийох и рижних других активносцох.
Нащивительом ше совитує же би на местох замени уж нєшка заменєли свойо уходнїци за фестивалски наруквици, бо ше у дньох Фестивалу обчекую вельки гужви, окреме перши дзень.