НОВИ САД – У Новим Садзе на ютре, 15. априла починаю Новосадски музични шветочносци (НОМУС), а буду тирвац по 22. април.
На торочним 41. НОМУС-у участвую уметнїки з нашей жеми и з Южней Кореї, Французкей, Нємецкей, Китаю, Мадярскей, ЗАД, Израїлу, Словениї и Велькей Британиї, котри виведу дзевец ексклузивни програми у Синаґоґи, Городскей хижи и у Сербским народним театру.
Музична младеж Нового Саду и того року пририхтала попуст на уходнїци за студентох, школярох и за колективни нащиви.