РУСКИ КЕРЕСТУР – У Руским Керестуре на ютре, 16. децембра, шицким заинтересованим будзе приказани документарни филм „Траґедия Галицкей Руси” Алексея Денисова о страданю Русинох у Першей шветовей войни, хтори приказани на тогорочним першим „Русин Филм Фесту” у Шидзе. Проєкция филму будзе у сали Месней заєднїци Руски Керестур на 19 годзин, а у орґанизациї Рускей матки.
Пред тим, у канцелариї Рускей матки (РМ) у Руским Керестуре на 17,30 г. будзе заєднїцка схадзка Управного одбору Матки и Редакцийного одбору єй глашнїку „Руснак”, на хторей буду розпатрани звити о активносцох одборох РМ у новембру, а предвидзена и догварка о наступних заєднїцких активносцох.