БАЧ – На Зонскей смотри рецитаторох всоботу, 29. марца у Бачу участвовали и шесцеро школяре зоз Дюрдьова.
Спред Културно-уметнїцкого дружтва „Тарас Шевченко” наступели Мария Рамач, Михайло Пап и Ленка Станкович, а за тоту нагоду порихтал их уметнїцки руководитель Яким Гарди.
По руски рецитовали ище и Александра Пап, хтору порихтала учителька Єлена Салаґ, и Ана Канюх, хтору порихтала наставнїца руского язика Мария Самарджич, а по сербски рецитовал Дарко Шарич и його тиж так порихтала Самарджичова.
На Покраїнску смотру ше того року нїхто з нїх нє пласовал.