СЕРБИЯ – Уния синдикатох просвитних роботнїкох (УСПР) вчера одлучела же претаргнє штрайк, понеже усмено достала ґаранциї же ше Влада Сербиї пошвеци ришованю їх вимогох, та же сполнї дотерашнї догварки.
Схадзка Синдикату зволана после схадзки представительох обидвох синдикатох з министром просвити Срдяном Вербичом. Министер визначел же є порихтани сотрудзовац, алє же у буджету Сербиї нєт пенєжи же би ше просвитним роботнїком нє зменшовало плаци и нє понукал нови условия.
Одлуку о евентуалному претаргованю штрайку Синдикат роботнїкох у просвити (СРПС) принєше нєшка.