ДЮРДЬОВ – У орґанизациї 34. Спортских бавискох „Яша Баков” отримане други турнир у тим року – кошарка „3 на 3”.
Спортски бависка отримани у Дюрдьове, 6. априла у Основней школи „Йован Йованович Змай”, а суорґанизатор було дюрдьовске Културно-уметнїцке дружтво „Тарас Шевченко”.
Участвовали штири екипи: „Папивинґ” Д.о.о Вербас, „Руски Културни Центер” Нови Сад, СД „Русин” Руски Керестур и КУД „Тарас Шевченко”.
Перше место у екипним змаганю завжала домашня екипа КУД „Тарас Шевченко”.
По законченю екипного змаганя отримане и поєдинєчне змаганє у руцаню „тройкох”. Од дванац змагательох найлєпши бул Вук Марчетич.
