БИКИЧ – З нагоди Велькей ноци у орґанизациї КПД „Иван Котляревски“ внєдзелю, 20. априла отримани „Вельконоцни бависка“ за дзеци.
У вецей дисциплинох ше змагали 20 дзеци и то за наймоцнєйшу писанку, перше место освоєл Лука Йович, друге Лара Сивч, а треце Стефан Бобаль.
Як дарунок, орґанизатор им обезпечел ваучери у вредносци 1.500 динари за перше, 1.000 за друге и 500 динари за треце место, а з ваучерима годни купиц цо им ше пачи у єдней кнїжкарнї.
Дзеци ше змагали и у дисциплинох ношеня писанки у лошки потим дьобанє до балонох у хторих бул дарунок, ходзеня до кругу и кажде требал вжац по єдну писанку кед престанє грац музика, а писанки було єдна менєй як учашнїкох.
Змаганя отримани у парку споза будинка основней школи, а провадзели их и старши валалчанє як публика.
