РУСКИ КЕРЕСТУР – Културни дїяче у Доме култури у Руским Керестуре зочую ше зоз проблемом нєадекватних просторийох. Пре старе и очкодоване закрице на Доме култури, на бину спадла єдна часц повали, та бина и сала за патрачох уж длукши час заварти. Тот проблем , як наявене, пошвидко будзе ришени.
Як виявел предсидатель Националного совиту Руснацох Йоаким Рац, Покраїнска влада опредзелєла 3.500.000 динари за оправку закрица на Дому култури.
Перше би требало оправиц закрице над салу и бину же би ше их знова могло хасновац и то ше учишлює до катеґориї чечуцих оправкох и отримованя за цо нє потребни проєкт, а друга фаза роботох подрозумює комплетну реконструкцию цалого закрица.