КОЦУР – Тих дньох у Коцуре роботнїки Явного комуналного подприємства Комуналєц з Вербасу закончели платанє дзирох на драгох, котри часто спричиньовали проблеми превозком у транспорту.
Дзири поплатани и на драгох по вецей населєних местох у вербаскей општини.
По сообщеню компетентних, з оглядом же нєодлуга почина нови школски рок, наиходзацих дньох роботнїки Комуналцу буду обнавяц, односно ошвижовац, горизонталну сиґнализацию. Так буду ошвижени били линиї у зони Основней школи у Коцуре, як и у зонох шицких основних и стреднїх школох у цалей општини Вербас.
Як визначене, обнавянє сиґнализациї представя транпортно-технїчну миру хтора оможлївює безпечнєйше рушанє учашнїкох у транспорту.
