19. СЕПТЕМБЕР – На нєшкайши дзень народзел ше атлетичар Емил Затопек.
1888 – Перше шветове змаганє за вибор красавици отримане у белґийскей банї Спа. Перша урядово найкрасша жена на планети постала 18-рочна Креолка зоз Ґвадалупи, Берта Сукаре.
1911 – Народзел ше анґлийски писатель Вилиям Ґолдинґ (Нюквей, Зєдинєне Кральовство, 19. септембер 1911 – Перанарвортал, 19. юний 1993), добитнїк Нобеловей награди за литературу 1983. року.
1922 – Народзел ше атлетичар Емил Затопек (Копривнїце, Чехословацка, 19. септембер 1922 – Прага, Ческа, 22. новембер 2000). хтори на Олимпийских бавискох у Лондону 1948. року освоєл златну медалю у обегованю на 10 тисячи метери, а на Олимпияди 1952. року у Гелсинкию на 5 и 10 тисячи и у маратону. Звалєл 18 шветово рекорди и победзел зашором у 69 обегованьох од 1949. по 1951. рок.
1928 – Парна ладя Вили перши анимирани рисовани филм у хторим ше зявел Мики Маус, приказани у Нюйорку.