РУСКИ КЕРЕСТУР – Школска слава Святи Сава, вчера, 27. януарa, шветочно означена и у Основней и штреднєй школи з домом школярох „Петро Кузмяк” у Руским Керестуре.
З тей нагоди школяре основней и штреднєй школи пририхтали пригодну културно-уметнїцку програму пошвецену першому сербскому архиепискови, просвитительови и защитнїкови школох.
Програма започала зоз привитну бешеду школярох 2. класи Ґимназиї – Андрея Сабового и Андєли Вуковичовей, потим зоз винчованку директорки Школи Наталиї Будински, а вец и зоз наступом хора школярох 3. класи основней школи хтори виведли гимну Святому Савови.
У предлуженю шветочносци, на руским и сербским язику, школяре читали тексти о живоце святого Сави, його просветительней роботи и важносци за розвой сербскей култури, образованя и духовносци, рецитовали пригодни писнї, виведли музични нумери, док школяре школского хору наступели зоз шпивацкима точками.
Означованє школскей слави прешло у шветочней и достоїнственей атмосфери, на хторим були присутни вельке число школярох и просвитних роботнїкох, а циль програми пестовац традицию, културу и вредносци хтори святи Сава символизує.
