РУСКИ КЕРЕСТУР – И тей соботи, 14. марца на пияцу у валалє преходнїком ше представяли политични странки котри наступя на наиходзацих локалних виберанкох у општини Кула.
Свойо штанди поставели активисти Сербскей напредней странки представнїки лїстини „Александар Вучич – Кула наша фамелия!” котра будзе под числом 1.
Потим активисти гражданско-студентскей лїстини „Глас младих општини Кула” котра на виберанкох наступи под число 3, орґанизаторе прешлорочних протестох.
Попри тим, свой штанд поставели и активисти СПС котри на виберанкох виходза у коалициї зоз СНС-ом, Союзом войводянских Мадярох, Заєднїцу Сербох, и Сербску радикалну странку.
На пияцу було присутне значне число полициї, алє шицко прешло без инцидентох.
