ШИД – У сали Скупштини општини Шид штварток, 9. юлия, у рамикох проєкту Чиста енерґия и енерґетска ефикасносц за гражданох у Сербиї хтору запровадзує Министерство рударства и енерґетики з потримовку Шветовей банки подписани 63 контракти з гражданами.
Од 63, аж 20 контракти подписани зоз гражданами зоз социялно чувствительних катеґорийох, за пременку облакох и злєпшанє изолациї и унапредзованє системи зогриваня.
Вкупна вредносц проєкту блїзко 22 милиони динари, а средства обезпечели ресорне министерство, локална самоуправа и сами гражданє зоз свою финансийну потримовку.
Подписованю контрактох присуствовали державна секретарка у ресорним министерстве Соня Влахович, потим директор Управи за финансованє и потримовку енерґетскей ефикасносци Милан Мацура и предсидатель општини Шид Зоран Семенович.