РУСКИ КЕРЕСТУР – Схадзка Управного одбору Рускей матки и єй Одбору за културу будзе отримана на пондзелок, 26. октобра, на 16 годзин у просторийох Рускей матки.
На дньовим шоре, медзи иншим, будзе слова о реализованю видавательного плану и отримованю наиходзацих промоцийох, представяню бешеди штучней интелиґенциї по руски, конкурованю на конкурс Одбора за информованє НСРНМ зоз медиями РМ – Радио Руски Керестур и Руски интернет портал, орґанизованю Медзинародного фестивала гумору и сатири Коцурска чутка 2026 и порушованю новей културней манифестациї Днї рускей творчосци у Новим Садзе.
Тиж так будзе слова и о активносцох лїстини число 2 ЩИРО ЗА РУСКИНЇ И РУСНАЦОХ – ПРОФ. ДР МИХАЙЛО ФЕЙСА на виберанкох за нове зволанє НСРНМ. Схадзку зволал предсидатель Рускей матки, професор ФФУНС у пензиї др Михайло Фейса, хторого мож контактовац по мейл адреси fejsam@gmail.com.