БЕОҐРАД – Републична виберанкова комисия преглашела штварту лїстину рускей националней меншини котра будзе участвовац на наиходзацих виберанкох за национални совити.
Лїстину придала Ґрупа виберачох Музика Руснаци Славко Роман Рондо, будзе ношиц назву „Музика Руснаци Славко Роман Рондо”, перши на лїстини Славко Роман Рондо, наставнїк класней настави зоз Нового Саду, други Мирослав Сивч, поднїматель зоз Вербасу, а треца Блажена Хома – Цветкович, лекторка зоз Сримскей Каменїци.
Штварти Юлиян Колошняї, польопривреднїк зоз Руского Керестура, пияти Славко Ходак, фахови менаджер зоз Сримских Карловцох, шеста Мария Майхер, комерциялиста зоз Руского Керестура, и седма Злата Надь Роман, маґистер фармациї зоз Нового Саду.
На наиходзацих виберанкох за нове зволанє Националного совиту рускей националней меншини котри буду отримани 8. новембра, тота лїстина ше будзе находзиц под числом 4.
Остатнї термин за придаванє лїстинох виходзи нєшка, 23. октобра на полноци.