НОВИ САД – На Радио програми по руски нєшка на 12:30 годзин, емисия Горизонти.
У емисиї Горизонти ше наисце вельо путує, виглєдує кажди куцик нашей планети, а кажда емисия єдна мала авантура по швеце ґастрономиї, култури, обичайох, звикнуцох, традициї. И у нєшкайшей емисиї будзе ше путовац, алє тото путованє будзе дакус нєзвичайне бо нє будзе потребна резервация у готелу, лєбо купаци костим за плажу понеже ше идзе на наукову експедицию.
Емисия Горизонти кажди пияток на 12:30 годзин на УКТ габох радия РТВ на 92, 100 и 107,1 мгг, а мож ю послухац и на одложеним слуханю на сайту Радио-телевизиї Войводини. През емисию будзе водзиц Єлена Дудаш.