ОПШТИНА ШИД – По податкох зоз Општинскей виберанковей комисиї у општини Шид од 28 тисячи и 901 гласача по 19 годзин гласали 67 одсто гласачoх.
По словох предсидательки Општинскей виберанковей комисиї Сладяни Маховац, гласанє преходзи без проблемох, а на виберацких местох першираз положени окремни, такволани кабини за гласанє.
Вкупно ше гласа на 39 гласацких местох з хторих 14 у Шидзе, а 25 у валалох шидскей општини.
Спрам урядових податкох у Шидзе право гласац маю 12 тисячи и 848 особи у Бачинцох 996, Беркасове 990, а у Бикичу 194.
Виберанкови процес надпатрали члени ЦЕСИДУ, Црти и ОЕБС хтори нащивели даскельо виберацки места як и Општинску виберанкову комисию.
