26. ОКТОБЕР – Нєшка Медзинародни дзень бундави.
1685 – Народзел ше композитор Дюзепе Доменико Скарлати (Напуль, 26. октобер 1685 – Мадрид, Шпания, 23. юлий 1757), виртуоз на чембалу.
1842 – Народзел шe маляр Василий Василєвич Верещаґин (Черповец, Русия, 26. октобер 1842 – Порт Артур, Русия, 13. април 1904).
1847 – На схадзки Матици сербскей у Пешти принєшена одлука о снованю Сербскей народней збирки, цо ше трима як дзень снованя нєшкайшого Музею Войводини у Новим Садзе.
1861 – У Франкфурту приказана робота першого апарата за пренос бешеди, котри його конструктор Йохан Филип Реис наволал телефон.
1863 – У Женеви почала штиридньова медзинародна конференция 14 жемох, на котрей основани Червени криж и обявени принципи котри 1864. року послужели як основа за прилапйованє Женевскей конвенциї о защити жертвох войни.
1961 – Шведска академия додзелєла сербскому писательови Ивови Андричови Нобелову награду за литературу. Вон бул перши Югославян котри достал тоту вельку шветову награду. У своїх романох На Дрини чуприя, Травнїцка хронїка, Преклята авлия и велїх других творох приказал швету по теди менєй познатих людзох и судьби з нємирного балканского подруча.
Медзинародни дзень бундави (National/World Pumpkin Day).